Lirik Kakawihan Barudak Lembur

#Kakawihan Barudak ayang-ayang gung

Ayang-ayang gung
Gung goongna rame
menak Ki Wastanu
Nu jadi wadana
Naha maneh kitu
Tukang olo-olo
Loba anu giruk
Ruket jeung kompeni
Niat jadi pangkat

Ringkasan Novel Sunda Karnadi Anemer Bangkong

Karnadi Anemer Bangkong

Sebuah novel yang dikarang oleh Sukria-Yuhana (berdua). Buku itu diterbitkan di Bandung tahun 1928 oleh penerbit Dakhlan Bekti. Cetakan kedua oleh penerbit Kiwari, Bandung, tahun 1963. di bawah judul buku tertulis judul kedua, dalam kurung Karnadi Anemer Bangkong (Karnadi Anemer Kodok). Karnadi adalah tokoh utama ceritera itu. Ia seorang pedagang kodok yang mengaku sebagai anemer (pemborong bangunan). Sandiwara-sandiwara rakyat diketahui sering mementaskan cerietera ini, dengan mempergunakan judul yang kedua.

Bagaimana pelaksanaan penulisan novel Rasiah Nu Goreng Patuti (rahasia si buruk rupa) ini dikarang berdua, agak sulit diterka, kecuali apabila dihubungkan dengan Romns Bureau Joehana yang membuka usaha pekerjaan penulisan naskah. Dengan bantuan ini, diduga bahwa sinopsis ceritera berasal dari Sukria, sedangkan penulisan sepenuhnya oleh Yuhana. Hal itu jelas dari ceritera itu secara keseluruhan, yang tidak menunjukan adanya pergantian gaya bahasa serta sejalan dengan keterangan yang tertulis dalam jilid buku yang menyebutkan “disangling” (digosok, dihaluskan) oleh Yuhana. Corak tema pun mirip dengan karangan-karangan Yuhana yang lainnya (bandingkan dengan Iskandarwassid, 1979). Di samping dugaan itu, nama Sukria akan mengingatkan kita pada tokoh sanjungan Yuhana dalam novel Carios Eulis AdihI yang bernama Sukria pula.

Biografi Oto Iskandar Dinata

Kiwari urang boga salam nasional nu mangrupa pekik Merdéka bari nonjokeun peureup ka luhur. Salam anu ngagedurkeun sumanget para pahlawan bangsa dina mangsa revolusi fisik, enggoning ngarebut kamerdekaan bangsa Indonesia. Eta salam nasional téh diciptakeun ka Oto Iskandar Dinata, salasaurang pahlawan nasional nu asalna ti Tatar Sunda.

Tangtu baé, jasa Oto Iskandar Dinata téh lain ngan sakitu-kituna. Perjoangan jeung ketakna dina ngabéla bangsa jeung lemah caina, natrat katembong dina lalakon hirupna. Umpana baé dina mangsa anjeunna jadi anggota Volksraad (Dewan Rayat). Di dinya sora Oto Iskandar Dinata harus kadengena, ngabongkar sagala kateureugeujeugan pamarentah kolonial Walanda. Bagian pidatona anu kawéntar nyaéta basa anjeunna nyabit-nyabit kamerdekaan bangsa Indonesia teh rék karana dipaksa atawa henteu, teu saeutik gumantung kana sikep Walanda sorangan. Tapi kuring percaya, bangsa Walanda cukup sadar. Tangtuna oge moal hésé milih hiji ti antara dua: mundur atawa diusir.

Dongeng Si Kabayan Gede Bohong

Dina hiji poe wanci pasosore balik ti karebon Si Kabayan jeung Si Iteung aruplek ngawangkong (ngobrol) paduduaan dijero dapur bari nungguan asak sangu.

Bari ngobrol Si Iteung ngasur-ngasur suluh kana jero hawu. Ari Si Kabayan nyarande kana bilik dapur. Leungeuna nyekelan cangkir seng dieusi cai kopi. Dina biwirna napel udud daun kawung. Siga anu keur ngararasakeun kacape.

Keur aruplek ngawangkong ngaler-ngidul, Si Iteung nanya ka Si Kabayan.

"Kang Kabayan, cenah bejana baheula akang kungsi kuliah ? naha enya eta teh?"

"Is, nya puguh we atuh Iteung. Kieu-kieu oge pendidikan mah ku kami dinomer hijikeun." Ceuk Si Kabayan.

"Kuliah dimana kang, kami mah asa cangcaya akang baheula kungsi kuliah?" ceuk Si Iteung bari ngerungkeun tarangna bangun anu teu percaya kana omongan salakina.

Dongeng Si Kabayan Hitut

Anggapan Walanda hitut teh kasehatan. Lamun teurab, teu sopan. Kocapkeun Si Kabayan hayang ngabuktikeun eta perkara. Pok nyarita ka babaturanana ; 
"Cenah ku urang Walanda mah hitut teh dipuji dibagus-bagus. Lamun teurab dianggap teu sopan ?".
"Ari kitu maneh rek kumaha?" Ceuk babaturanana.
"Kuring rek ngabuktikeun bener henteuna, kabeneran di urang aya Walanda kontrak." Ceuk Si Kabayan.

Enya bae, sorena Si Kabayan katembong leumpang babarengan jeung Tuan Walanda kontrak.
Tapi samemehna, Si Kabayan bebekelan heula keur pihituteun. Dahar oge ngahaja poe eta mah lain sangu, tapi kakacangan sabangsa suuk jeung polong. Lian ti eta oge ngahaja ka pamajikannana nitah pangulubkeun hui, anu leuwih kawentar disebut kapsul Malangbong atawa karbit Walasari. Aya oge anu nyebut dodol gebos kana hui teh. Tapi anu pangsohorna mah istilahna teh sordot, kusabab ari sor disuguhkeun ari DOT we... sada dina bujur.

Kocapkeun ti barang leumpang, Si Kabayan geus dedegeng bae ngadedetkeun bujurna supaya hitut. Enya bae, kusabab geus disadiakeun ti anggalna, bujur Si Kabayan disada tarik pisan. "DUUUUUUUUUUT ..." 

Dongeng Pun Boncel

"Tenjo ku sia, naha eta rarapen ngabayak diantep bae? Naha eta nu nguyumbang teu diberesihan? Ngedul siah, henteu geten kana ingon-ingon! Kumaha lamun eta kuda gering?"

"Teu acan bae juragan, apan abdi teh nembe dongkap pisan tas ngarit."

"Wah siah ngalawan bae si ka  dunungan teh, kalah ka hakan bae, ari kana gawe ngedul! Sia moal dibere nyatu ku aing!!!"

"Unggal dinten oge disapuan ku abdi, dalah ayeuna oge bade disapuan deui." sanggem pun Boncel.

Dinten eta yaktos pun boncel henteu dipasihan barang teda, ngongkrong teu kararaban sangu  saremeh.

Enjingna sabada meresihan gedogan pun Boncel mios deui bari manggul sundung bade ngarit ka reuma.

Ku margi kosong beuteung, teu acan kararaban katedaan, manehna ngaraos nahnay nanjak ka pasir teh. Barang dongkap ka mumunggang, gek diuk handapeun waru ngareureuhkeun heula kacape.

Pikirna ngerik taya hinggana, ras emut kana kamalaratan indung-bapana kawuwuh ari gaduh dunungan ku teu aya pisan tinimbanganana.

Dongeng Si Kabayan Ngala Lauk

Geus sababaraha peuting Si Kabayan ngadenge beja,yen tatangga-tatanggana lalintarna aruntung bae. Manehna pohara kabitaeunana, tapi teu boga pakakas.

Sanggeus mikir sakeudeung,manehna manggih akal, tuluy nyarita ka pamajikannana.

"Teung, engke peuting Akang rek ngala lauk ka walungan, kabita ku batur aruntung bae."

 "Majar rek ngala lauk ? Na, rek ku naon ngalana? Teu boga heurap teu boga useup!" tembal pamajikannana haseum.

 "Tong rea omong, maneh nyaho engke peuting dahar jeung beuleum lauk we. Kadieukeun wedang pamere mitoha teh!"

Sajarahna Cadas Pangeran

Saupama ti Sumedang rék ka Bandung, nepi ka Tanjungsari, tangtu ngaliwat tanjakan anu kacida panjangna, nyaéta tanjakan Cadas Pangéran. Nu matak éta tanjakan disebut kitu, rada panjang sajarahna, malah supaya tétéla, leuwih hadé ku urang dipikanyaho, kumaha di lebah dinya kaayaanana ayeuna, baheulana jeung baheula pisan. Dina waktu ieu carita dituIis, kaayaan lebah dinya geus kacida bédana jeung baheula, lantaran jalan heubeul mah (tonggoheun jalan nu ayeuna) geus teu dipaké, kusabab nanjakna netek teuing. Ayeuna mah nanjan nanjak kénéh oge, beunang diliwatan mobil, tur sisina make gili-gili beton, teu matak inggis tiguling kana jurang Cipelés nu sakitu gurawésna.

Baheula mah dina jalan heubeul tea taya petana beunang diliwatan mobil. Kira-kira dina taun 1900 waktu tacan aya mobil di Pulo Jawa, lolobana nu ngaliwat ka dinya téh leleumpang.  Mimiti tanjakan netek di lebah Pamucatan. Baheula jelema nu ngaliwatan ka Pamucatan jaman Harita. Biasana indit ti dayeuh Sumedang subuh-subuh. Ari nepi ka Pamucatan kahar eureun, kudana sina ngareureuh. Nu tumpakna sok tarurun, sasarap heula, boh muka

Biografi Dewi Sartika

IBU Dewi Sartika dilahirkeurnana tanggal 4 Desember 1884 di kota Bandung. Ibuna Nyiraden Radjapermas, ari ramana Raden Somanagara, Patih Bandung duanana turunan para bupati anu tedak-tumedak ti jaman Dipati Ukur keneh nepi ka perang dunya kadua

Ibu Dewi Sartika katelahna ku jalma rea mah Agan Dewi. Agan teh sesebutan ka wargi-wargi dalem anu landes boh prya boh wanita,ari putra-putra dalem disebutna mun priya aom,mun wanita juag. Dina ka tompernakeun abad ka-19 wanita Sunda masih dikungkung ku adat istiadat kuna anu turun-tumurun ti jaman ka jaman. 

Wanita harita taya deui ancoanana ngan pikeun jadi patih goah", tegesna ngurus dahareun jeung sumujud ka salaki, supaya runtut-raut lambat-lambut nya laki rabi.

Rupa-rupa elmu jeung kapinteran, saperti maca, nulis, ngitung jste. Pikeun awewe mah basana teu perlu, da moal jadi juru tulis.

Silsilah Ngaran Patempatan Di Tatar Sunda

Oléh-oléh Priangan dilingkung gunung

Majalaya, Soréang, Banjaran Bandung…..

Sempalan lagu “Borondong Garing” di luhur téh ngandung déskripsi sawatara ngaran tempat nu aya di Tatar Sunda. Demi nataan ngaran-ngaran tempat téh ilaharna sok disebut toponimi. Nurutkeun kajian folklore, toponimi téh bagian tina élmu onomastika (onomastics), anu ulikanana ngawengku di antarana baé: méré ngaran jalan, ngaran atawa jujuluk jalma, ngaran kadaharan, ngaran bubuahan kaasup asal-usul (legénda) ngaran hiji tempat dumasar kana ‘sajarah’ ngajanggélékna.

Nataan ngaran tempat tangtu bakal loba rambat kamaléna lantaran ngajujut ngaran tempat mah teu cumpon ku nyawang ngan tina hiji aspék baé. Nya sawadina kudu dijujut deuih rupa-rupa informasi nu nyampak disatukangeun kaayaan éta tempat. Kumaha pakuat-pakaitna antara ngaran tempat jeung éta informasi? Ilustrasi di handap saeutikna baris méré gambaran anu écés.

Etnopedagogi Dalam “Kaulinan Barudak”

Arus globalisasi laksana air bah, terus menggerus dan menjebol langsung pada perubahan perilaku dan kebiasaan masyarakat. Akibatnya, masyarakat kita termasuk salah satu yang tidak bisa berbuat banyak, terutama menimpa dunia anak-anak. Anak-anak kita sedang kehilangan dunianya.

Lontaran keprihatinan itu muncul dari para orang tua, pendidik serta pemerhati dunia anak-anak, setelah mengamati perilaku kehidupan anak-anak sekarang dalam bermain, sangat lain dengan pola kehidupan orang tua mereka semasa kanak-kanak. Menurut pengamatan dan penilaiannya, permainan anak-anak sekarang ini tidak mendidik dan cenderung ke arah sikap yang konsumtif dan individualistis.

Anak-anak tempo dulu sangat tertantang oleh alam dan lingkungan hidupnya berada. Mereka mampu memanfaatkan apa yang ada di lingkungannya. Sebagai akibatnya, mereka harus kreatif, selalu siap menghadapi tantangan dan rintangan yang muncul setiap saat.

REFORMULASI KURIKULUM BASA SUNDA DUMASAR BUDAYA

  1. Kurikulum atikan di Indonésia terus barobah geusan ngaluyukeun diri kana robahna

kamekaran paélmuan katut pameredih panéka jaman. Ari robahna kurikulum téh rata-rata antara 6–10 taun. Bédana kurikulum téh pangpangna dina lebah titincakanana, nya éta dumasar kana jejer bahan, sistem unit, téma, jeung kompeténsi. Kurikulumna teu goréng alias geus hadé, da anu héngkérna mah lebah prakna, praktékna, atawa impleméntasina.

Dina awal kamerdikaan Indonesia, kurikulum nu mimiti dipaké di sakola-sakola di Indonesia nya eta Kurikulum 1947. Ieu kurikulum teh disampurnakeun taun 1950, anu tuluy diganti ku 1958 kalayan dipake nepi ka taun 1964. Najan ari resmina mah dilaksanakeun taun 1965.

Model Pangajaran Ngaregepkeun

MODEL PANGAJARAN NGAREGEPKEUN

BERBASIS BUDAYA LOKAL

ku : Dingding Haerudin

A. Bubuka

Kiwari masarakat Indonesia kakara eungeuh deui kana budayana sorangan. Komo sanggeus budayana diaku ku nagara tatangga mah. Sabenerna, nagara urang (Indonesia), lembur urang (Jawa Barat), kampung urang (tatar Sunda) kawéntar ti baheula mibanda rupa-rupa ragam seni-budaya nu unik, sarta moal matak kéder saupama dibandingkeun jeung budaya deungeun-deungeun.

Kitu ogé di unggal lembaga atikan, mimit ti TK, SD, SMP, nepi ka SMA matéri perkara seni jeung budaya lokal teu kungsi leupas natrat ayana dina kurikulum. Ngan naha kiwari dianggap penting nepi ka diéksplisitkeun perlu ngalaksanakeun pendidikan berbasis budaya lokal?

Nilik kana kaayaan atikan kiwari, laasna raga katineung murid kana budayana lantaran teu kungsi nyaho kana ajén-ajén nu aya dina éta budaya. Lantaran kitu, murid samemena pisan narima budaya deungeun nu nembrak sarta babari kacangkingna. Tingpucunghul sakola-sakola nu dilabélan standar internasional sawadina mah kudu bisa némbongkeun rupa-rupa kaunggulan seni budaya lokal nu unik bertaraf internasional.

Sajak Sunda

Sajak Budak Angon

Ku Toni Lesmana

Di pangangonan

Kuring

Jadi taneuh nu diseuseup jukut

Jadi jukut nu diremus domba

Jadi domba nu direcah maung

Jadi maung nu digorogot waktu

Latihan Soal 2 Basa Sunda SMA Kelas XI

LATIHAN SOAL 2

SMA KELAS XI

TAHUN PELAJARAN 2015-2016

 

                             Pilihan Ganda

            Pilih salasahiji jawaban anu pangbenerna!

            

1. Kumaha pola engang (suku kata )kecap ‘gram’?

A. KKVK	D. VVK
B. KVK	E. VVV
C. VKK

2. Rucat(pisahkan)kecap ‘déngékeun’ dumasar (berdasarkan) engangna…

A. Dén-gé-keun	D. Dé-ngé-ke-un
B. Déngé-keun	E. Déngé-keun
C. Dé-ngé-keun

3. Anu kaasup Pahlawan Istri ti Jawa Barat nya eta….

A. R.a. kartini	D. Ibu sud
B. Déwi sartika	E. Patimura
C. Cut nyak  dien

4. Kanggo saheulaan artos hasil lélang disimpen dina kas OSIS. Perkawis badé iraha éta artos disumbangkeun ka parakorban longsor di Garut, ngantos piunjuk ti Bapa Kapala.

Sakitu rupina laporan ti pihak Panata Calagara Bazar & Lélang OSIS SMA Negerei 16 Bandung. Hatur nuhun kana perhatosanana.

Sempalan wacana di luhur kaasup ka nu bagian naon dina laporan kagiatan?

A. Bubuka	D. Judul
B. Eusi	E. Téma
C. Panutup

5. Nyanghareupan poé ahir manusa bakal ditanyakeun ngeunaan amalna di dunya.

Kecap ahir ngandung basa serepan ti basa ....

A. Sunda	D. Belanda
B. Jawa	E. Cina
C. Arab

6. Niténan eusi, basana, cara/pola nulisna, malah ilustrasi jeung sisi artistikna mangrupa (merupakan) salasahiji pagawéan….

A. Ngarésénsi buku	D. Ngoméntaran buku
B. Maca buku	E. Nyieun biografi
C. Nulis buku

Latihan Soal 2 Basa Sunda SMA Kelas X

LATIHAN SOAL 2

SMA

TAHUN PELAJARAN 2015-2016

 

                Pilihan Ganda

            Pilih salasahiji jawaban anu pangbenerna!

1.       Kedah kumaha ngungkulanana? Rupina éta mah tiasa dibahas ku grup sanés. Sim kuring saparakanca mah, mung badé ngawatesanan dugi kadinya.

Tarjamahkeun kecap ngungkulanana ka nu basa Indonesia!

A. Mengusahakan	D. Menambahkan
B. Memikirkan	E. Membaca
C. Mengatasinya

2.       Mana kalimah anu ngandung harti konotatif(injeuman)?

A. Imah kuring mah butut.

B. Dasar manéh mah bodo!

C. Mangga linggih di saung butut abdi.

D. Kuring diajar basa sunda.

E. Ucing téh mani lucu.

3.       Mana kalimah anu ngandung harti dénotatif?

A. Mangga linggih di saung butut abdi.

B. Dasar manéh mah gede hulu!

C. Imah kuring mah butut.

D. Maling nu éta mah pan panjang leungeun

E. Kuring sok ngajadi leutik burih

4.       “Naon da abdi mah jalma tuna harta jeung tuna harti, teu kabeuli nanaon!”

Kalimah di luhur ngandung harti ..........

A. Dénotatif	D. Pasif
B. Konotatif	E. Aktif
C. Persuasif

5.       Masarakat Désa Sukaluyu mangrupakeun masarakat anu ............. digawé jeung resep kabersihan.

Lengkepan kalimah diluhur!

A. Rajin	D. Hirup
B. Males	E. Diajar
C. Kerja

6.       Disebut naon kagiatan ngabadamikeun masalah pikeun néang(mencari) mana nu bener?

A. Diajar	D. Maca
B. Nulis	É. Latihan
C. Sawala

Latihan Soal 1 Basa Sunda SMP Kelas 8

1.      Dina cara nanya ka narasunber kudu ngagunakeun pananya nu alus.

Naon antonimna kecap (lawan kata) alus ?

A. Saé	C. Anyar
B. Butut	D. Mahal

2.      Bapa Mentri teu hilap masihan konfirmasi, sual kapanggihna kotak hideung (black box), sakumaha anu diwartakeun ku koran jeung televisi. Kotak hideung atawa black box téh, pakakas kacida pentingna. Dina éta alat biasana aya rékaman omongan pilot, eusina nerangkeun kajadian nu keur kaalaman ku manéhna. Aya kajadian naon, di mana tempatna, kumaha kaayaan kapal, katut para panumpang, jeung hal-hal penting liana, pasti karékam ku éta alat. Anu matak unggal aya musibah kapal, nu pangheulana ditéangan téh black box.

Dina sempalan warta di luhur, informasi naon nu katangkep?

A. Kotak surat nu kapanggih
B. Kotak hideung nu kapanggih
C. Rekaman koran & televisi
D. Kaayaan panumpang

3.      Naon tarjamahan kecap ditéangan?

A. Dicari	C. Dibicarakan
B. Ditemukan	D. Diberitakan

4.      Kecap sasaruaan (sinonim) tina kecap diwartakeun nyaéta?

A. Dibéjaan	C. Diomongkeun
B. Dibikeun	D. Diberitakeun

5.      Mana anu kaasup kecap barang(benda)?

A. Laut, hotél, imah	C. Buku, diajar, sakola
B. Duit, koin, hideung	D. Baju, calana, kasép

6.      Mana anu kaasup kecap pagawéan (kerja)?

A. Laut, hotél, imah	C. Buku, diajar, sakola
B. Duit, koin, hideung	D. Maca, saré, diajar

Latihan Soal 1 Basa Sunda SMP Kelas 7

                                           

I.  Pilihan Ganda

       Pilih salasahiji jawaban anu pangbenerna!

1.          Naon ngaran sakola Radén Déwi Sartika?

A. Sakola kautamaan istri	C. Sakola raden dewi
B. Sakola kautamaan	D. Sakola dewi sartika

2.         Déwi sartika pupus 11 september 1947.

  Naon sinonimna kecap pupus ?

A. Meninggal	C. Terhapus
B. Hidup	D. Tertinggal

3.           .............. di sakola badé diayakeun éskul?

   Lengkepan kalimah di luhur!

A. Di mana	C. Saha
B. Iraha	D. Naha

4.            .............. baé nu bisa milu éskul?  

   Lengkepan kalimah di luhur!

A. Naon	C. Sabaraha
B. Saha	D. Iraha

5.            ............. baé waktu latihanna dina éskul?

    Lengkepan kalimah di luhur!

A. Saha	C. Naha
B. Iraha	D. Kunaon

6.         Barudak engké dina bulan Oktober di sakola urang baris diayakeun kagiatan        Porseni.

Naon poko caritaan kalimah di luhur?

A. Kagiatan sakola

B. Di sakola aya éskul

C. Kagiatan porseni di bulan oktober

D. Kagiatan guru bulan oktober