Naskah drama pendek SASAKALA SITU BAGENDIT

Sketsa 1 :
[Narator : Baheula, aya hiji randa beunghar katelahna Nyi Endit. Ieu téh saenyana mah nénéhna, da ngaranna sajati mah Nyi Bagendit. Manéhna téh kacida pisan kumedna.
Geus taya nu bireuk deui kana kakumedanana téh. Salian ti pakacar-pakacarna mah, tara aya nu larsup ka imahna. Éstuning lain babasan éta mah hirup nyorangan téh. Ngahaja mencilkeun manéh, ngababakan di tengah pasawahan anu upluk-aplak. Maksudna taya lian, ku bawaning embung campur jeung batur, da sieun kasoro téa.]

(Nyi Endit ngagaya & ngagulkeun harta bandana ) _Nyi Endit wungkul_
[musik pengiring]

Sketsa 2 :
[Narator : Kacaturkeun keur usum panén, di ditu di dieu ceuyah dibaruat. Ka sawah Nyi Endit ogé réa nu gacong. Ari réngsé dibuat jeung sanggeus paréna dikaleuitkeun, sakumaha tali paranti, Nyi Endit nyieun sidekah. Ngondang lebé jeung sawatara tatangga. Popolahna saniskara ku sorangan, teu aya nu ngabantuan. Barang geus tarapti, sakur nu mantuan ngakut tuluy diondang ngariung tumpeng. Atuh anu ngariung téh nepi ka ratusna. Tapi sadia tumpengna teu sabaraha, nepi ka ngan sakotéap gé geus bérés, bari tingkarétap kénéh.]

(Nyi Endit ngayakeun tumpengan, ngariung taruang balakecrakan) _Nyi Endit & sabaraha warga_
[musik pengiring]

Sketsa 3 :
Keur meujeuhna balakécrakan, solongkrong aya aki-aki bongkok nu nyampeurkeun. Ku pribumi teu ditari teu ditakon. Nya pok aki-aki téh waléh yén teu kawawa lapar, sugan aya sih piwelas. Ana gantawang téh Nyi Endit bet nyarékan, nyék-sék-nyéksékkeun, pajarkeun téh taya kaéra, teu ngahutang gawé, ménta bagian. Tungtungna nepi ka nundung, aki-aki dititah nyingkah. Cindekna mah geus lain picaritaeun wé.

(Nyi Endit nyarekan aki2) _Nyi Endit & sabaraha warga & aki2_
[musik pengiring]

Sketsa 4 :
Aki-aki indit bari jumarigjeug, bangun teu nangan. Méméh indit manéhna ngomong kieu, “Sagala gé boh ka nu hadé boh ka nu goréng, moal taya wawalesna.”

Ngomong kitu téh kasaksian ku sakur nu aya di dinya. Saréngséna nu dalahar tuluy amit rék baralik. Kakara gé patinglaléos, rug-reg ngarandeg, sabab aya nu tinggarero, “Caah! Caah!” cenah.

Henteu kanyahoan deui ti mana datangna cai, ngan leb wé pakarangan Nyi Endit téh geus kakeueum. Atuh kacida ributna, jalma-jalma geus teu inget ka diri batur, asal salamet dirina baé. Nyi Endit ogé nya kitu, niat rék nyingkiran cai, tapi barang kaluar pisan ti imahna, cai téh nepi ka lir ombak laut tinggaruling ka palebah Nyi Endit. Imahna terus kakeueum méh laput.

Nyi Endit angkleung-angkleungan, bari satungtung bisa mah teu weléh-weléh sasambat ménta tulung Tapi taya nu nulungan, da batur gé sarua ripuhna. Nyi Endit ngalelep. Beuki lila, cai téh beuki gedé baé. Nepi ka jadi situna, ngeueum sakabéh pakaya Nyi Bagendit.

(Nyi Endit disumpahan ku aki2 nu nyeri hate ku manehna, tuluy warga & Nyi Endit panik lantaran aya caah.) _Nyi Endit & warga_
[musik pengiring]

[Narator : Caah nu sakitu ceuyahna ngajadi situ, nu ayeuna disebutna Situ Bagendit. Jadi pangeling urang Nulung lain ku loba, nalang lain ku réa, da gening fitrah hirup manusa mah silih tulung ka anu butuh, nalang ka anu susah, ngahudangkeun kanu labuh, ngajait kanu titeuleum.
Hirup di dunya mah ukur samet roh dipisahkeun jeung raga, urang silih ingetan bisi perkara dunya meubeut meulit kana ahérat.
Cag ah]

✓
#Dialog pamaen kedah improfisasi luyu sareng jalan caritana

Pamaen
Nyi Endit :
Aki-aki :
Warga :
Narator :

Naskah Drama pendek Sasalakala Kampung Genteng

[Narator : Kacaritakeun dina hiji lembur aya dua jawara kampung nu ngaranna Ki Jabrig & Ki Jambrong. Maranehna geus lila jadi sobat dalit anu ngawasaan kaamanan di lembur eta. Jawara2 eta ge katelah ku elmu silatna anu luhur. Ku sabab kitu sok loba jawara anu nangtang kasakten Ki Jabrig & Ki Jambrong.]

#Sketsa 1

(diuk dina korsi ngarobrol bari ngopi)

Ki Jabrig : "Brong, urang bojong anu nangtang
minggu kamari teh ku maneh geus diladenan can?"

Ki Jambrong : "Hahahahh, kuring mah atuh... Ngalawan budak olol leho kitu mah kari peureum gelutna ge."
(hanjat dina korsi, tuluy nyapertikeun jurus silat bari peureum. Ngan, sabot rek diuk labuh da peureum keneh)

Ki Jabrig : "Eits, kade atuh lur. Ulah poho beunta deui."  (nulungan ngahudangkeun)

Ki Jambrong : "Heueu, kabawa emosi keneh yeuh. (diuk deui bari ngusapan kumis)...
Ngan kuring mah keuheul keneh enya ge meunang gelut teh."

Ki Jabrig : " Naha keuheul kunaon?"

Ki Jambrong : "Eta pan, barang si jadol teh rek ditengkas, ngabongohan neunggeul nepi ka genteng kieu dina leungeun" (bari ningalikeun leungeunna nu lecet)

[Narator : Keur genah ngobrol ngaler ngidul, euweuh hujan euuweuh angin kurunyung aya nu datang di hareupeun 2 jawara eta. ]

#Sketsa 2

(Nini2 teh lumpat, tuluy diuk aniprek. Ki Jambrong reuwas kacida nepi ka naek ka nu korsi)

Nini : "Ki, Kiii..... Tulungan abdi.... " (semu kokosehan kanu suku Ki Jabrong bari ceurik)

Ki Jambrong : " Ke, ke, ke heula Ni aya naon ieu teh?" ( si Nini rek ngomong kapikaheulaan ku Ki Jambrong

Ki Jabrig : " Jambrong.... Ssssttt dengekeun heula  si Nini rek nyarita!" (bari curukna antel dina biwir Ki Jambrong)

Ki Jambrong : " Bhuaahhh... Heueu sok atuh Ni geura nyarita." (nepak leungeunna Ki Jabrig)

Nini : " Tulungan abdi Kiii... Si Cimung nyulik Neng Desi incu abdi." (sesegrukan ceurik)

Ki Jambrong : " Si Cimung ti lembur Cogreg! Wawanian teuing! Jabrig! Hayu ontrog! Tampolong kaleng belut ditalian" (nangtung bari metakeun narima tantangan)

Ki Jabrig : "Asyiiik...." (nembalan sisindiran)

Ki Jambrong : "Tong ngomong, gandeng! Gelut sakalian! Cag ah" (arindit nyampeurkeun ka tempat Si Cimung)

[Narator : Dina posisi hayang ngabela si Nini dulur salembur nu jadi wargana digunasika ku jawara lembur batur. Ki jambrong & Ki jabrig ngagidig masang awak rek nyanghareupan si Cimung.]

Sketsa 3

Cimung : " Hahahahah, daratang oge kadieu! Memang pamor jawara mah moal salah." ( bari ngacungkeun bedog)

Ki Jabrig : " Lalawora sia nantang, tuman hayang dipodaran!" (emosina naek)

Ki Jambrong : " Ssstttt... Ieu mah jatah kuring keneh, Brig." (bari curukna antel dina biwir Ki Jabrig)

Neng : " Niniiii... Tuluuuung... Neng mah sieun!"
(diuk dihalangan ku si Cimung)

Nini : " Tenang Cu.... Woles, aya Ki Jabrig & Ki Jambrong jawara nu siap numpes jalma nu sok ngagunasika!" ( nantung bari tutunjuk tukangeun ki jambrong)

Ki jambrong : " Enggeus Ni, keun ieu mah urusan Kami. Rek dijieun jadi dodol ieu jelema!"

Cimung : " hahahahaa... Toroktok ole-olean... "

Ki Jabrik : " Asyiiiik.... "

Cimung : " Rek dijieun dorokdok ge hayu diladenan!"

(Der garelut, pada-pada ngaluarkeun jurus silatna. Akhirna si Cimung eleh.)

Ki Jambrong : " Budak bau cikur keneh ieu mah, Brig. Neng, enggal kadieu!" ( ngadeukeutan si Neng)

Neng : " Niniiii....." (ngagabrug si nini)

Nini : " Kadieu Cu, alhamdulillah aya keneh jalma nu daek nulungan ka jalma leutik. Atos ulah sieun deui nya Cu." (nangkeup incuna bari ngusapan sirahna)

Neng : " Niniiii....  "

Nini : " Kunaon deui Cu? Keun ulah sieun deui ayeuna mah da penjahatna ge tos eleh."

Ki jabrig : " Enya Neng, ulah sieun deui."

Neng : " Niniiiii... " (semu olo-olo bari isin)

Nini : " Naon deui atuh Cu?"

Neng : " Niiii.... Neng EE." (bari nutupan raray)

Ki Jabrig : "Jiaaaaaaaaahhhhh...! (ngagubrag jeung ki jambrong)

[Narator : Akhirna lalakon ki jambrong & ki jabrik salaku jawara nu sok ngabela, ku wargana dijadikeun simbol ngaran lembur "genteng" anu kiwari katelahna. Genteng atawa raheut atawa geuneuk tilas gelut. Gelutna para jawara nu kungsi ngabela wargana....]

__Rengse__

Pamaen
Narator :
Ki Jabrong :
Ki Jabrig :
Nini :
Neng :
Cimung :

Conto sisindiran

TEMA : CINTA

#+
Samangka seeur sikina

Dijual di pasar kemis

Éta saha nu didinya

Meuni seeur nu gareulis

#-
Aya lauk disusukan

Di useup na ku mang Ali

Moal weléh digombalan

ku anjeun kaum lalaki

#+
Ka cilembu mésér huwi

Huwi na karasa madu

Hoyong terang saha nami

Ameh tiasa I love you

#-
Jalan-jalan ka cikadu

Ka cikadu numpak sado

Duh éta langsung I love you

Da pasti akang mah omdo

#+
Numpak bis ka kota Banten

Ka banten ningali debus

Enéng meuni teu percanten

Da cinta akang mah ciyus

#-
Masak gulé nganggo jinten

Nggeunah na kabina-bina

Sanes abdi teu percanten

Kahoyong na mah buktos na

#+
Mun pareng rek ka cilawu

Ulah poho mawa baki

Nu geulis tungkusan kalbu

Hayu urang lakirabi

(tah buktos na)

#-
Ka cianjur mawa jalak

Ka cianjur mawa ékék

Ka batur mah abdi nolak

Ka akang ge moal daék


Ka pasar mawa kérésék

Pasar na di ramayana

Upami néng moal daék

Akang oge moal maksa

(ceurik***)


Didieu loba kaliki

Hanjakal teu baruahan

Didieu loba lalaki

Hanjakal teu aruyahan


Di cipanas loba bawang

Bawang na bawang ngora

Néng tong sok kitu ka akang

Akang mah pejuang cinta


Di arab mah seeur onta

Onta na téh mawa keusik

cenah mah pejuang cinta

Mun ditolak langsung ceurik


Kalapa bodas jerona

Tiasa di jieun pati

Haturnuhun sadayana

Énjing pasti tepung deui

(aya hiji deui…)


Di sawah aya bi Aah

Atosan ah..

Ngaji Diri

*LAMUN URANG GEUS KOLOT.*
Sadiakeun waktu pikeun babarengan jeung salaki/pamajikan anjeun,  sabab salah sahiji bakal mulang leuwih ti heula, pikeun nu masih hirup tinangtu bakal  neundeun panineungan anu éndah.

*LAMUN URANG GEUS KOLOT.*
Bakal datang mangsana rék leumpang kana panto ogé ripuh, meungpeung masih kénéh mampuh prak jalan-jalan ka sawatara tempat keur nyawang alam sabudeureun ciptaan Allah, muji kana kaagungannana anu moal lila deui kasaksian.

*LAMUN URANG GEUS KOLOT.*
Ulah ngariripuh manéh mikiran barudak kalawan kaleuleuwihi.  Maranéhanana mampuh usaha sorangan. Tangtukeun mah anjeun geus teu boga hutang saméméh maot
supaya maranehna henteu nanggung beungbeurat nu ditinggalkeun anjeun.

*LAMUN URANG GEUS KOLOT.*
Nyésakeun waktu babarengan jeung babaturan heubeul sabab lolongkrang pikeun babarengan beuki ngurangan ti mangsa ka mangsa.

*LAMUN URANG GEUS KOLOT.*
Tarimakeun panyakit nu nimpa. Sabab kabéh ogé sarua, boh beunghar atawa miskin bakal ngaliwatan kaayaan nu sarua nyaéta:
Ti mimiti lahir, orok, budak, déwasa, kolot, gering & maot.

_*Peupeujeuh:*_
_"Hirup jeung  babaturan kudu siga kaca, bisa silih rasakeun, urang gumbira manéhnaa gumbira, urang sedih manéhna milu sedih. Teu weleh ngupahan mantuan nyageurkeun"_

Wilujeng ngalakonan mangsa kolot kalawan kabagjaan, mudah mudahan sabar kalawan tawekal oge mangfaat...

#dicutat tina grup whats up